മങ്ങിയ കാഴ്ചകള്‍

*മങ്ങിയ കാഴ്ചകൾ*
############
വഴിയോരത്ത് അനാഥമായ സ്വപ്നങ്ങളുടെ മുഷിഞ്ഞ ഭാണ്ഡവും പേറി വെയിലിൽ കരിഞ്ഞു പോയ സ്വപ്നങ്ങളുമായി ചില്ലറക്കിലുക്കത്തിനായ് കൈ നീട്ടുന്ന തെണ്ടി.
നിറം മങ്ങിയ കാഴ്ചകൾ കണ്ട് കുഴിഞ്ഞു പോയ കണ്ണുകളിൽ നൊമ്പരത്തിൻെ അർഥഗർഭമായ ഓർമ്മച്ചീളുകൾ.
എൻെ അധ്വാനത്തിൻെ ചെറിയ ഒരു തുക നിൻെ വിശപ്പടക്കുവാൻ മെല്ലിച്ച വിരലുകളിലേക്ക് വച്ചു നീട്ടുന്നു...

പരിചിതവും  അപരിചിതവുമായ മുഖങ്ങളും അവജ്ഞയുടെയും സഹതാപത്തിൻെയും ഓരോ നോട്ടങ്ങളും  അവനിലേക്ക് ഊർന്നിറങ്ങുന്നു...

മറവിയിൽ പുതഞ്ഞു പോയ ഒരു പുഞ്ചിരി ഞാൻ നിനക്കായ് മാറ്റി വെയ്ക്കുന്നു...

എങ്ങോട്ടു പോകുന്നു എന്നോ എവിടെ നിന്നു വരുന്നു എന്നോ പേരോ ഊരോ അറിയാതെ ഓരോ പകലിലും ഞാൻ അവനെ കാണുന്നു...

മഴയുടെ ഓരോ തുള്ളിപെയ്ത്തിലും ഒരു കൂരയുടെ തണലില്ലാതെ നിസ്സഹായതുടെ തടവറയിൽ അഴികളെണ്ണുന്നവൻെ മുഖം...

അന്ത്യശേഷം മറ്റൊരുവൻ പഴയസ്ഥാനത്ത് പ്രത്യക്ഷനാകുന്നു.
അതേ മുഷിഞ്ഞ ഭാണ്ഡവും അതേ കുഴിഞ്ഞ കണ്ണുകളും നിറം മങ്ങിയ കാഴ്ചകളും ബാക്കിയാകുന്നു...

*അഘോരി*