കറുത്തവൻ...
പുരോഗമനമറിയാതെ പോയവൻ...
കാടുംമുടിച്ച് മേടും മുടിച്ച് കാട്ടുവിഭവങ്ങളുടെ വേരും മുറിച്ച് മണ്ണിനെ വിറ്റുതിന്നവരേ...
ഇനിയീ ജഢവും തിന്നുകൊള്ളൂ ...
അവനുമീ മണ്ണിൽ പിറന്നവൻ ...
കത്തുന്ന വയറുള്ളവൻ...
പുരോഗമനമറിയാതെ പോയവൻ...
മണ്ണുവാരിത്തിന്നവൻ...
വിശപ്പ് എന്ന നോക്കുകുത്തികൾ കള്ളൻ എന്ന പേര് അവന് പതിച്ചു നൽകി...
വിശപ്പിന് എന്ത് സമാധാനമാണ് പറയുവാനുള്ളത് ശമിക്കലല്ലാതെ ?
ഈ ഇരുളിൽ ഞാൻ നിന്നെ കാണുന്നു...
നിൻെ ബലിഷ്ഠമായ കരങ്ങൾ മണ്ണിനെ പുണർന്നുതന്നെ ഇരുന്നു...
അരുതേയെന്ന നിൻെ നിലവിളികൾ എൻെ കാതുകളിലൊരു വേദനയായി അലയടിക്കുന്നു...
ചിത്രങ്ങളെടുത്തവർ കൂട്ടുപ്രതികളാണ് ഒരായുസ്സൊടുങ്ങുന്നത് കണ്ടുനിന്നവർ...
മനസാക്ഷി കെട്ടുപോയ സമൂഹത്തിൻ നീയും ഒരു രക്തസാക്ഷിയാകുന്നു...
വിശപ്പടങ്ങാതെ മൃതിയിലേക്ക് പോയവനേ നിന്നെ ഞാൻ പച്ചമനുഷ്യനെന്ന് വിളിക്കട്ടെ...
Jayakrishnan Unni
No comments:
Post a Comment